Board logo

標題: [哈啦] 尾場後感 [打印本頁]

作者: WinG_2    時間: 2018-5-14 01:13     標題: 尾場後感

以往睇幾多場都未發過後感, 今日實在被旁邊的人氣到了!!!

今日尾場坐係我旁邊既2位情侶, 個位女生由一開始就係度錄影, 後尾有工作人員上黎叫佢吾好再錄, 仲係度話係因為睇吾到歌詞 噤搞笑既理由真係第一次聽

比人話完之後一路係度同佢男友係度講附近D五迷點點點...
又話後面唱得大聲要吾要噤HIGH, 又話前面螢光棒搖得高影響佢, 又話前面五迷呢樣個樣
最嬲係唱倔強個陣五迷們都舉起手比"五" , 居然笑呢個動作!!!!!!

我真係覺得你吾係FANS, 一心入黎睇演唱會ENJOY去聽囉, 指指點點完全吾係聽既不如吾好黎啦
作者: waterfish_kinki    時間: 2018-5-14 10:24

係喎~ 入得黎就唔該全情投入啦, D飛得來不易架~

我琴晚好幸運地坐到石頭前面的第二行, 但見到第一行嘅強國人全晚喺度淘寶打機SEND MESSAGE, 只喺企咗兩三首歌, 仲要企喺度都仲喺度SEND MESSAGE, 雖然唔關我事, 但見到真係忍唔住好火滾
作者: wingsohappy    時間: 2018-5-14 11:17

五月天香港演唱會已成為好多人打卡景點
好彩尾場遇到附近都係真五迷(E1區)
但之前每場都遇到好多唔知入黎做咩既人
好多鐘意恐怖大叫既迷妹
如入無人之景既情侶
唔岩音但又唱好大聲既男子

多年心得係
好位置不如好鄰居
作者: emilyyuu    時間: 2018-5-14 11:22

哈哈我昨天前面有大大碌自拍棍升起影相, 保安都睇唔到 (!?)
之後有同學同保安投訴先唔用棍 (但繼續拍 XDD)
0的保安有時好嚴有時好鬆啊.. 有時影星星人浪都捉
起勢錄又唔捉 O_O"
作者: rockgarnett    時間: 2018-5-14 12:30

如主唱所說,那些路人打卡龍友可能買錯票
我在E1的位置前左右除了完場拍照留念,全程沒人舉過機
已經多少年了,這種夢幻的事
其實明明是理所當然
作者: asintar    時間: 2018-5-14 12:54

今年好幸運。睇既場次附近都是五迷。大家一起唱歌,比5,嗌O, 一起Jump. 沒有人在視線範圍內上網,打機,自拍。感恩。
另外,坐過C區後,就大看眼界。保安睇住鯉魚游向A區可以完全唔阻止。
作者: mrscator    時間: 2018-5-14 13:08

我呢兩場都遇到技安...本人不嬲對音準好有要求 陳主唱有時d音都會令我皺眉頭...
但呢兩日 - 星期六個場係我左手邊個女仔 + 後面個排既男仔 琴晚係右手邊個男仔
嘩 真心好痛苦... (唱i will carry you個時真心最經典 個”will”字拉長音 噢天啊)

另外呢兩日都有比人激到 要係到發洩下...長文慎入

星期六個場我坐路口位 都預左d人可能要出出入入
但D1 row F個4個女仔真心過份
佢地應該係識工作人員 開場無幾奈 佢地個工作人員frd拎螢光棒比佢地... fine
跟住又拎蚊怕水比佢地...fine (但係咁多人既地方噴蚊怕水有無病 超難聞 我成首歌既時間都要拎毛巾um住個鼻
然後 你地唔企我唔介意 但唔好傾計傾得咁大聲 極度騷擾人 一係傾計一係超大聲地走音...
以為蚊怕水都噴埋無野啦 點知超好波
佢地個frd比staff pass佢地入後台 仲要逐個入 即係4個人輪流跨過我出去再入返黎 我真係超想kick跌佢地
臨完場佢地個frd仲要返黎回收個幾支螢光棒 總之我全場就不斷比佢地4個+佢地個frd騷擾

好 到星期日個場 其實以下形容個個人無直接影響到我 但我覺得佢隔離個女仔好慘
A4區C行有個外國人加一個全身珠片既女仔 (燈光一打落去就好似個disco ball咁)
佢聽五月天聽到好似去左rave party咁 我好欣賞佢咁enjoy亦都好「欣賞」佢既舞姿 但你都唔好係唔係都拎個電話出黎fing 佢好似有幾次仲要開埋燈 又有幾次佢差d扑中隔離個女仔 我見佢直程要拎螢光棒黎擋
仲有 佢同佢個外國男友一黎就狂影相 演唱會途中就成日365度影環境
其實琴晚A4 d保安叔叔超惡捉得超嚴 但唔知點解淨係捉到呢個女仔一次 佢生得咁高又成個disco ball無理由睇唔到 但對其他人係真係好惡咁鬧

今年真心多路人 感到非常無奈 好期待東京場 因為大家都應該會守規矩好多...(我希望)
作者: mayjunday    時間: 2018-5-14 13:22

今年已經比近年紅館好, 至少坐附近既大部份都係香港人.
尋晚應該係6晚裡面最多假螢光棒既一晚.
作者: chenlittle    時間: 2018-5-14 13:56

513 我係 B3,我差d以為自己去左另一個時空,當晚前面一大堆強人全場影相錄影,奇怪係附近完全冇保安捉人,有位疑似強國女子,仲囂張到將部相機 (無錯!係相機!!!) 掛係頸,相機影完又到電話影。明明係自己主場睇,但眼見呢幾年都係強人多過香港人,d 行為又令人反眼,實在好無奈...
作者: P.win    時間: 2018-5-14 13:58

買熒光棒未必有心
條龍無敵長,果位又唔顯眼
同埋廁所果邊有人扮買多左,聲稱正版,原價放售,
有唔熟的朋友都中左招
作者: vcsummer    時間: 2018-5-14 14:05

我睇過4晚,之前星期六日場都OK,附近都應該係五迷,間唔中都會影下相,但都係唔影響到人,同埋都識唱識企起身,氣氛都算係好投入,係噚日尾場坐B4區,有幾個女人就齋坐,無起身,狂玩電話,不過至少都無影響人,都算啦...........
作者: elmo    時間: 2018-5-14 14:09

坐我隔離同前面為D人係大部份歌到吾識, 成晚由頭錄到尾, 有成日自拍, 又大動作揮螢光棒, 成晚好似有個水撥響我前邊! 真係吾明點解D人咁 LIKE 拍片架
作者: littleprince    時間: 2018-5-14 14:46

昨天晚上坐c2 Q 行4x 號,係c2最近c1 嗰一邊。

前面幾行都勁多路人。 不過其實佢地冇咩嘢,只係非常冷靜,偶爾會拍拍照咁 (見到舞台效果好靚,影一兩下我可以接受)。我個人對路人冇咩大意見。

不過坐隔離個女仔,人雖然係著住SR tee, 但打足一晚機 (我自己冇打開機,不過睇落好似係五月天代言嗰隻遊戲 )。 而家喺演唱會打機係唔係潮流嚟⋯⋯  

再一次證明,好位置不如好鄰居。我下年公售買到四張連位,一定會放兩張畀MMD 嘅同學,起碼確保自己隔離嗰個係個會認真睇show嘅人。
作者: annayiuws    時間: 2018-5-14 14:49

今年熒光棒啲色係純左好多,個人覺得係少左人喺場外兜售假野
至於錄影影相捉得嚴唔嚴都真係睇人
有啲保安係佛系捉人,有啲就惡好多
不過點死都同有年嘅紅館冇得比,果年啲保安惡到當你係犯咁
同埋後3場已經明顯捉得一日比一日嚴
呢啲野都係靠自律

最後十萬級同意上面同學講嘅好位置不如好鄰居
呢樣野apply to 大陸人香港人台灣人
作者: christy0819    時間: 2018-5-14 17:20

今年有一場比大陸人包圍,開場前好擔心,
好彩佢地都係正常五迷,無拍片,我覺得幾好。
作者: felitang    時間: 2018-5-14 19:51

鯉魚羣勁多, 尋晚個強國人偷錄仲要即時開返個 video check 下自己錄唔錄到開到個 volumn 勁大聲! 仲有我嗰行個大肚婆一見到阿信行延伸拍我叫我俾佢衝出去, 我唔鬼理佢!!!
作者: alessa    時間: 2018-5-14 22:21

6晚係12/5號晚出事,後面幾個澳門女仔(佢自己大聲講架)
用飛機分貝噪音大唱特唱,最可愛係主唱唔唱佢唔唱(差D以為佢係和音),talking又喪叫(真係超想一支螢火棒插落佢喉嚨。
好彩其他5晚都唔錯。感恩!
作者: alessa    時間: 2018-5-14 22:22

回復 14# annayiuws


    舊年我覆WhatsApp都被人照
作者: manwady    時間: 2018-5-14 22:24

其實遇到路人/唔太嚴重既偷影偷拍已經唯有係咁調整自己心態唔好俾佢地影響到
但鯉魚真係接受唔到!!! 有一場明明我個位係延伸舞台隔離嗰一個位 但鯉魚游埋黎既時候真係乜都睇唔到 明明團員係我五米範圍內但我連佢地對腳都睇唔到! 連想睇屏幕都俾人遮住...
不過好彩尾場都見到真五迷 有1,2個已經覺得好開心...
作者: Kwane    時間: 2018-5-15 04:55

保安呢個真係每一區好唔同
幾場加埋真係咩區都坐過咁濟
有啲hea到明明部手機影緊喺你面前可以扮睇唔到
有啲就老遠見到電話mon就跑過黎照田雞
不過覺得迪迪尼保安趕擺賣做得唔錯 起碼我冇見過擺賣嘅小販
轉唔到色嘅螢光棒睇落唔算多

認真睇演唱會en唔enjoy好睇隔離位or附近
有時路人自己坐喺度靜靜地 你唔阻人又唔鬧人地阻你其實我覺得冇乜嘢
係啲過分或太誇張嘅行為真係令人白目
慶幸睇個幾場附近算係咁

不得不提AB區嘅動物大遷徙
前面成行冇曬人 仲要行出行入要讓位
見過大量細no正中間跨成區去延伸舞台做鯉魚群 有啲傷心

最開心係附近都係五迷 叫OT做動作都特別齊 就會好開心
作者: 七月的詩信    時間: 2018-5-15 12:17

回復 1# WinG_2


    有一點想講就系 成場大部份時間伸直曬只手搖黎搖去既人真系無理過後面既人感受 如果系我面前我一定會制止佢
作者: littleanpanman    時間: 2018-5-15 12:59

睇左2個星期日 (6/5 & 13/5)
好好彩2日無遇到路人, 周圍都係5迷, 有d雖然影相, 但唔過份
揮螢光棒唔過頭...所以身短的我可以好enjoy
尾場坐地面B2尾場係B2中間位置,..早段反而比大會攝記擋係前面不斷影相......莫非我個邊嘅角度好d???
作者: sze_rah    時間: 2018-5-15 13:27

511 坐H2區同513企F1區, 都見到保安好落力捉人影相
作者: 小元_uni    時間: 2018-5-15 13:28

回復 20# Kwane

我尾場就係坐B3正中細no, 見住前面成一,兩行既大陸人9秒9衝哂去延申
當陳主唱唱完一走,佢地又跑返埋位
本來zone隔離個走廊有個鐵柵同1個保安企係到
佢見住D鯉魚跑去延申完全冇阻止
仲搬開D個柵俾佢地行
完全唔明都隔成30幾個位都跑去既人係咩心態....
其實只要大家企定定係原位睇都好清楚架
作者: chknoctis    時間: 2018-5-15 13:38

尾場坐E2,唔算多五迷但有就已經好好,因路人真係好討厭,尤其果D笑人串人一有歌就企起身,自己坐係度懶醒咁。
今年尾場好可惜係我地E2真係聽唔到米老鼠幾時開始,係到副歌時隱約聽到跟著唱
作者: tahas    時間: 2018-5-15 14:41

本帖最後由 tahas 於 2018-5-15 14:42 編輯

今年睇左4場
好好彩幾日無遇到路人, 大部分都係5迷, 但6號個晚係B2區附近個個都係攞內部飛入場,個個都超冷靜,無咩點叫OT,坐我後面仲有小朋友瞓著左....

13號尾場坐我隔離有幾個男,有2個仲要無熒光棒, 但每一首歌都係到嗌歌...首首歌都岩音但又要唱好大聲咁嗌歌,以都算啦,仲要係唱亁杯時候係我隔離飲酒......仲有好大陣酒味係我隔離,又係咁問我嘢,,完全影響我睇演唱會........
不過好彩前後都有真五迷.... 一齊叫OT,同一齊唱大唱米老鼠,大聲到前面都聽到之後又一齊唱,叫OT叫得特別齊XDD
作者: WinG_2    時間: 2018-5-15 21:53

513旁邊個兩位極品係香港人
相反坐附近超HIGH超投入既大多係大陸人 (因為開場前佢地傾計聽到口音絕對唔係台灣口音)
真係唔在意佢係邊度人 只要係真五迷!

所以我都好同意#3個句 好位置不如好鄰居
作者: wingsohappy    時間: 2018-5-15 23:45

好多人入場都係自high
螢光棒變水撥
嗌歌唔係唱歌
叫到發生命案咁

頭場坐C區,見證d人衝落1180
保安完全無阻止,所以後黎d人已經不受控制

D 保安同職員開場後個個都變觀眾咁
影相拍片唔捉
發光閃野唔捉
鯉魚唔理
最過份係我見到好多職員都拍片!!
作者: kstjenny    時間: 2018-5-16 14:15

505我個位隔左2個就係延伸,見隔離係幾個大陸人見佢不時影相都知佢地會衝延伸,你知五月天有時只係行過去唔係真係要出延伸,明明五月天已經行番去台都唔番位變左又要我借過俾佢地番去好阻住我,之後見五月天又想出我就企硬唔郁佢地從此係另一邊出
513先激氣!我坐B3走道位旁(即坐位24同25中間有條通道)後面d人走上前企係通道到影相/五月天出延伸時過來,本來出黎已經唔啱你如果影完睇完番埋位我都算,講左番埋位啦同回去,d人都死死氣咁番去,有幾個大陸人扮哂野繼續企係到,我隔離五迷都忍唔住走出去同佢地講
憨人個陣又係一堆人企係到,前面有個保安,明明幾個大陸人係佢前面拍片但佢唔捉,佢走去照過多我幾個位既人!個大陸人仲要愈舉愈高部電話,大佬你一係唔好俾我地見到你拍片,見到我一定出聲!d保安真係好唔掂,有d幾好我話俾佢知有人拍片佢會照又見有人想行去延伸好大聲叫佢番去
最後放飛真係寧願放俾真五迷,有時唔好怪我地只放俾五迷又有d條件,自己花左幾日排隊真係想d飛落係真五迷手上
作者: pscutie    時間: 2018-5-20 19:29

唔通歌迷要幫手照田雞
前面幾高有郁都好(雖然我矮但都可以揾位睇)
一部手機唔郁就成個台遮晒囉




歡迎光臨 My-Mayday 我們的五月天 (http://my-mayday.net/) Powered by Discuz! 7.2