返回列表 發帖

演唱會似乎愈來愈多..............路人

直至今天,我睇左四場 (只是無睇上星期六場,因為怕左班大陸人)
雖然四場中,有兩場依然都係大陸人包圍住我,不過有時我覺得大陸人只要是FANS,其實有時比香港"路人"好
起碼佢地真是一起跟住企,跟住跳,跟住大叫~~~~
另外兩場,遇到既香港"路人",令我更無言......................

星期二求婚場,我前面對香港夫婦,當自己去左電影院睇戲,拎住一大罐品客薯片加珍奶入場,全程就是食住薯片飲珍奶睇戲..............無螢光棒、無大合唱、無小星星.....................

昨晚更離譜,我前面一對香港情侶,一開場"DO YOU EVER SHINE,就秒拍佢地前面一對香港小情侶,叫小情侶的男生坐返低 (但小情侶果行,其實都企曬起身架!!!!),結果小情侶的男生就坐低左,全程拖住  企起身的女生睇,真是好慘!!!!!!小情侶本身一睇就知係FANS,著住今次CONCERT TEE 加螢光棒,相反,香港情侶又是"路人",無螢光棒、無大合唱、無小星星,佢地又是當左自己入左戲院.....睇戲。

後續,香港情侶的女仔期間還要不斷影相,我真是愈來愈火滾 ,就拍佢跟佢講: 「唔可以影相架!」,女仔望下我,又望下佢男友。我心諗扮聴唔明,就又跟佢講兩次: 「不可以拍照!(國語)」,佢男友先用廣東話答我: 「可以影相!只是唔可以拍片」,我又跟佢講: 「唔可以影相,亦唔可以拍片,唔信問紅衫姐姐丫!!」。  佢之後都有再影,我又拍佢囉。

其實我好想同前面小情侶講,我地後面班5迷,包括我後面果行,係支持你地架!!! 唔好俾班打卡路人打斷我地既傳統!!!!!!!!!!!!!!!!!!!!!!!!!!!!!!!!!!!!!!!!!!!!!

唔止路人,有fans都狂影相,坐我隔離果個大陸fans,會大合唱,有螢光棒,但大半場拎住2部單反不斷影,我耳邊係甘聽到快門聲,歌又聽唔到,talking又聽唔到,仲不斷郁黎郁去換機,條相機帶又卡到我隻手,最後佢停左,因為我鬧佢"你影夠未呀?"

TOP

其實路人又冇乜問題,不過都要尊重一下別人,你自已睇唔到未企埋起身囉
Do You Ever Shine???

TOP

其實路人係無問錯,只是替前面對小情侶唔抵............................坐住睇會內傷……

同埋,影幾張相無咩所謂,但對香港情侶竟然老馮咁影,仲要話「可以影相!」

自己覺得大陸人已經入侵緊紅館,希望自己香港人做好D

昨晚瑪莎都話好高興,我地仲可以KEEP住以前既小動作,所以希望我地既傳統可以好好KEEP住。

TOP

我尋晚都有唔少路人係附近, 我隔黎既路人黎就算多數坐低睇 但都好投入
但前面有對情侶真係黎到唔知做乜, 竟然走出樓梯幫佢另一半影佢背影睇演唱會既相... 仲經常自拍
又有人走出樓梯口影相.... 真係無言..
當我和世界不一樣  那就讓我不一樣

TOP

唔理路人定fans,都應該要尊重其他人!
如果前面企左起身,擋到你視線,咁你咪都企起身睇囉。
如果你真係行動唔方便,連企起身都唔得,你好聲好氣同人講,都可以互相遷就下。
但好明顯大部分叫人坐低既人都係靠聲大靠惡,咁無禮貌,真係好難做比你囉。
同埋成程拍片既人真係唔明係咩心態,為左返去炫耀自己睇到五月天演唱會?定為左回味?
如果係為左回味,點解當下唔用心去感受,用自己對眼去睇,記憶係會留低係腦裡面架,比起拍左個段片仲要黎得真實。

TOP

尋晚見到有人拿住popcorn.  時間接近8點..  (心唸戲院在附近嗎?/   不是吧)

TOP

我都在小食亭附近見到有人攞住一桶popcorn. 我當時仲以為小食亭有得賣添。

TOP

其實情侶們入咗場可唔可以攬少陣呢??雖然我買後你一行,企係你後面,但你兩個成座山係我面前,俾返條隙嚟好嗎??

TOP

睇星期五、六、日嗰D場次,我覺得的確係多左好多閒人睇
我估佢地都未必係五迷,可能陪FD睇,或內地人週末放假黎香港玩順便睇
但睇平日星期一至四嘅場次好好多
在場的人比較有默契,Fans係熱情D...所以我諗大部份都係五迷
氣氛係好好多,而且五月天幾位成員都放好多......
會講好多意想不到嘅野
100 字節以內
不支持自定義 Discuz! 代碼

TOP

其實情侶們入咗場可唔可以攬少陣呢??雖然我買後你一行,企係你後面,但你兩個成座山係我面前,俾返條隙嚟好嗎? ...
Yanice427 發表於 2016-5-26 15:44



對對對對對
情侶入場之後不停咁攬阿錫阿自拍
超級影響觀感

TOP

說實話今年路人真的不是一般的多欸
我不是反對路人啦
畢竟五月天能夠愈來愈受歡迎這是好事
不過我只是覺得說閣下千辛萬苦買到一張票,
為的應該都是要感受一下傳說中如何high爆的氣氛吧
如果閣下進場單單是為了靜靜的看真人表演那還不如安坐家中看演唱會dvd算了,又沒有人吵你視線又不會被擋不是更好嗎?
進了場就得尊重一下人家的傳统嘛
你可以不喊,可以不站起來,可以不揮螢光棒
可是不要去阻止那些想要盡情投入的人啊…

TOP

我都認同越來越多路人,呢兩晚我都有睇演唱會,我企起身時望過附近,坐隔離同後面無咩人起身,得二三個人企起身。尋晚坐我前面有個人拎電話煲劇

仲有見好多人唔知唱on 人要比5字,唱乾杯要拎野飲,唱知足要開電話燈,仲有安哥要玩人浪,門票已經越來越難搶,仲要入到去知道你隔離個個唔係五迷,真係嬲嬲地!

TOP

同學,你都幾好彩睇到4場

我都在小食亭附近見到有人攞住一桶popcorn. 我當時仲以為小食亭有得賣添。
pekkle 發表於 2016-5-26 15:37



    我都睇到
好似真係入黎睇戲咁
阿信說:我真的很好,大家不要安慰我了。

TOP

點解搞到想開開心心睇場演唱會都好似好難咁....
100 字節以內
不支持自定義 Discuz! 代碼

TOP

今年的路人多的是
通常有些陪女友 有些陪朋友
他們都是坐的 不然就拍照拍片自拍
什麼時候才是整場都是五迷
50 字節以內
不支持自定義 Discuz! 代碼

TOP

回復 7# 昫冬


    我23號果場真係有人食爆谷, 我完SHOW 走果時見到, 佢食到一地都係, 果時我同朋友講, 竟然有人食爆谷喎

TOP

我都覺,我琴晚980都有好多人全場坐,好彩我未畀人叫坐低

TOP

我上年係遇到一對男女朋友坐我前面,女的算是歌迷,穿的是洋裝唔係周邊Tee,但有螢光棒,會唱唱跳跳,而男的明顯是路人,應該是買飛嚟冧女朋友嗰種,結果全場看著女仔自己一個跳跳跳,而男仔的手一直在女的身上上上下下咁摸嚟摸去,又攬埋一舊,結果就成座山咁擋住我,我左邊睇唔到,右邊又睇唔到,從中間的縫都睇唔到(根本痴到實,冇縫),睇唔到演唱會之餘,仲要焗住睇睇住男仔在女仔身上咁摸嚟摸去,好眼冤!

而今年是遇到男的是五迷,女的是路人,女的不停叫男仔幫她以五月天為背景影相,而這次是女仔手一直想攬男仔的腰,但男仔自顧自的在唱唱跳跳,女仔一直攬唔到,我在後面好想笑!

TOP

回復 17# PING


   通常都係m 記, burger, 飯盒都唔出奇
popcorn就.......點食住跳呢, 就算坐, 一手螢光棒, 一手拿popcorn , 用腳夾住嗎??
食都算, 仲要整污jo 人地地方, 想點

TOP

返回列表