返回列表 發帖
(針對一些說話回應我的感覺)其實我覺得每個人睇演唱會GE方式唔同~~
我唔認為係演唱會入面拎部電話出黎WHATSAPP就一定係唔投入個表演
我唔認為靜係乖乖的坐係到就係浪費張飛
正如我亦都唔認為睇五月天一定要又叫又跳又跟住唱先係投入~~
每個人GE方法都會有唔同~~
所以都冇話張飛值唔值得比邊個~~~

至於有人覺得係呢到講其實已經唔中立~~
講真冇人講野會係中立GE~~
我覺得都係一個討論性質比大家傾下有傾有講~~
我覺得唔存在因為中唔中立而值唔值得去討論的一個話題~~
大家有權發表佢地GE意見~~討論下咁~~

TOP

其實大家只要抱著有得入場就當贏既心態就最好了
我個人認識中的幾位五迷都係咁
只要有得睇 唔介意坐邊都可以咁開心咁HIGH
偏偏我有識唔少"突然五迷"
口講話自己好想好想睇 但竟然可以唔知東亞同埋公售日子
之後就話"哎 我要返工 冇可能有時間去排隊"
其實有心睇既人 唔會冇辦法 只要有心 一定有飛
又有一種FANS "最好睇頭/尾場" "最好星期五六日既場"
"最好係正中" "最好係地面"
冇錯 係人都知咁會好D啦 遇著呢D所謂FANS真係想打巴佢地!!!

又有唔少已經手持門票 但又再從另一途徑買票
最後先將位置較差既放出 雖然情有可原 但確實有點自私(有點離題!!!!)
點解唔可以知足點呢?

但我個人認為 應把多點門票留歌迷會 先給會員配給
多了的就可以公開給沒有ACC的歌迷
就像五谷那樣 要答對了問題 做了一些任務先可以買到
咁先可以減少黃牛扮歌迷呃飛
至於公售方面呢 覺得其實今年已經好完美
我今次去排隊 排第十的都買到字母行
因為每人四張 黃牛們買極都係每人4張
已經將威力劇減(拍手!!!)

TOP

本身我覺得拎多D去公售都唔錯,起碼有機會買得位前D,
但係睇完以上留言,又覺得俾多D歌迷會會好D..
首先,因為五谷同MMD都有好嚴格的會員申請要求同埋有嚴格訂票資格。
再諗返今年演唱會D迷妹的瘋狂行徑,
我寧願D票難D買,真係真心愛五月天先入到去,
眼觀今年,實在太多淨係識第二人生隻碟,然後入去狂嗌五位大叔名字的妹妹。
仲有好多連五月天有幾多個人都唔知的朋友們,
所以一黎大家都唔留心欣賞成個演唱會過程,包括VCR,二黎又好嘈,
如果多D票俾歌迷會,我覺得可以減輕呢個問題。
至於公開發售,我覺得如果下年都係開錦多場,用返一次過買,每人最多四張呢個方法唔錯
即使唔係歌迷會都可以買到票!~!

仲有一樣野好神奇GE係,明明今年有幾場都仲有門票淨未買,
但係尾場頭場仲有其他場次都有黃牛生存到!!!!!!!!
一睇就知好多五迷揀飲擇食,臨時抱佛腳,
如果係錦何不把公售的票俾多D俾真心想睇不求場次位置的歌迷會五迷們呢?

OT小小...仲有係FACEBOOK見到有人鬧全勤的同學,話人地睇八場有七個五迷無得睇,
未免太苛刻,售票當天到下午五點幾都仲有得買!!自己唔努力搵票,倒轉頭話人地買左你張票

TOP

我每年都有赴五月之約,每次都買內部票,由第一,二年有免費票剩開始,到現在,票是越來越難買。
內部票真是減少了很多。今年我只能買到$280嘅內部票。其實五月天開幾多場,都難買票嘅原因,
係FANS場場都要去睇,以前開2場,兩場都買到票,到現在,要買齊八場,就梗係難好多啦~

TOP

近年,真的發現很多關於演唱會的討論
無論是入場的人,還是賣票的方法
五月天在香港真係愈黎愈紅,一定會多左好多非歌迷但又有興趣既人買飛
我唔評論某些拿免費票或非歌迷既人睇演唱會既態度
每個人真係有自己睇演唱會既方法
其實係香港,好多演唱會都唔會企起身睇足成場
因為當五月天紅左,就會有其他人去睇,所以唔奇怪現在愈黎愈多人好似唔係好投入演唱會

講番買票果度,其實我覺得今年安排得唔錯
我有好多朋友其實都係忠實fans,每年都會買飛,但唔係經歌迷會買飛
其實每個人都有他們習慣既買飛方法
黃牛的確係一個敵人,但都唔可以完全唔俾飛公開發售
每年都會有第一次黎睇既人,有公開發售,他們先可以黎睇
可能下年呢班新歌迷會成為真正既歌迷呢

最後,其實我真係知足
就算係本地歌手都唔會每年開演唱會
只有五月天應承每年黎香港開演唱會
有些歌迷所中意既偶像,可能到現在都未黎香港開演唱會,要走到當地先可以睇到
我真係好感謝相信音樂聽我地講
今年真係努力幫我地爭取更多公開發售既票
雖然唔係最好,但已經對我地好好啦!

TOP

雖然歌迷會很重要... 但也很多有心但未到瘋狂又或者真的每每都錯過加入MMD HKMD 機會的朋友... 說實在我也是去年才找到機會加入... 我之前也賣過票給很喜歡五月天 但沒入任何forum 的朋友~~ 他今年要結婚了 我剛好有多的票賣給他... 他多高興的不停謝我~~

其實我覺得游離的五迷也很多~ 我去年有排公售...  = = 只有頭幾個能買到... 因為大多都給內部了...

我從沒跟MMD HKMD 買過票~~ 去年是幸運能朋友搭朋友買到僅僅幾張內部票 (不是歌迷會)
今年是更幸運...我竟然在東亞買到幾張票  (去年是買不到...在公司由早上到下班沒講過一句話=.=")
今年還能在公售....閒閒上網時看到有單座位沒賣出...就買回來...想想賣給真正五迷也好... 或是拿來換票也好... O.O 我忘了是第二天早上還是發售當天的晚上....總之公售本來我沒去擠入網站..因為我已有票了...但竟然發現有單座位沒人要...

個人覺得:
一人限四票 -  很有效
Y! 黃牛我覺得比去年少很多呀o.o 我是好像有人PO 但也不見得好銷情... (好賣就不會在現場還在賣..)

題外話... 五月天曾說十年來港開十場...那明年九場的話... 就剛好..... 場次多是較好買票... 但也多了進去聽歌而不夠瘋的朋友... 我不懂說甚麼好甚麼不好... 因為我們瘋就覺得不夠瘋的很odd... 但他們今年不夠瘋又不代表之後不會被感染... 我也懂因為不是瘋狂fans 而場的氣氛有變差... 這真是... 很難說...

不過很多謝MMD HKMD...2個地方都曾讓我把票賣給對的人...和能尋找到合適票~  嗯...你們是五月天演唱會的婚姻介紹所 XD  (但我也遇過惡劣的賣家....)
也許在未來整個五月我們都會待在香港~我們就是12分之1的香港人!

TOP

對於這投票 我想到一句
華仔天地投票我最喜愛男歌手結果不會是郭富城

* 我立場在 像今年一樣, 留一點給歌迷會就好, 有一半公售*

我未能有資格參與首輪歌迷會訂購
我的票都是從公售或信用卡訂購買回來的

歌迷與黃牛間 黃牛某程度上出心出力更受欣賞
人家花上五天在室外場地發呆受日曬雨淋 為的就是四張門票
歌迷會訂票的歌迷只要在電腦面前搶
有些人還要再說為什麼歌迷會只能得這麼少 卻嫌辛苦不願意去排公售
滿口藉口我要上班我要上學 在排公售的誰不是要上班上學
但他們會下班下課後去排隊 組隊夜宿接力 等天光再去上班上學
那些人更值得得到門票?
(當然 黃牛出發點不是好的甚至觸犯法例)

分票給歌迷是非必然 其實歌迷會也是內部票
預留門票給歌迷會 也就是扣了給贊助商的票
而贊助商才是最大手支持演唱會營運
誰最值得得到內部票恐怕是贊助商不是歌迷會
(當然也有很多人把內部票轉售 這也是觸犯法例)

最後 持歌迷會門票的才是最佳觀眾嗎
我不能認同 MMD發票是有PO過PDF 紀錄他們的坐位
在演唱會上 望向那些區域 相機手機拍照錄影亂叫亂喊的觀眾絕不是少數
這也是在板上常常被投訴的低質觀眾 表示這叫不想在演唱會上見到的行為
白白浪費好位置 倒不如把位置留給公售

最後重申
我立場在 像今年一樣, 留一點給歌迷會就好, 有一半公售
以上文字當然地支持公售

TOP

歌迷與黃牛間 黃牛某程度上出心出力更受欣賞
人家花上五天在室外場地發呆受日曬雨淋 為的就是四張門票
歌迷會訂票的歌迷只要在電腦面前搶
有些人還要再說為什麼歌迷會只能得這麼少 卻嫌辛苦不願意去排公售
滿口藉口我要上班我要上學 在排公售的誰不是要上班上學
但他們會下班下課後去排隊 組隊夜宿接力 等天光再去上班上學
那些人更值得得到門票?
(當然 黃牛出發點不是好的甚至觸犯法例)
kyann 發表於 2013-5-21 12:55



你知道牛黨出動日薪500元一日請人去城網門市排隊嗎?

TOP

舉個例子:剛剛結束的UEFA CHAMPIONS LEAGUE決賽,共有約8.5萬張球票。其中比賽雙方的俱樂部各自分到2.5萬張,這些票一般供本隊球迷申請,抽籤購買(可理解為歌迷會)。 另外的3萬多張票,就是要照顧到UEFA(主辦方)的內部官員、各大小贊助商、比賽場地官員.....剩下的才是放到公售中。 這部分的票往往又被炒到天價(原價10倍以上)。這個社會的現狀可能就是如此。
    想要看到一場純粹是由五迷參加的演唱會是非常困難的,但這並不代表我們就應安然接受這種結果。五月天不就是一個不斷改變,勇於突破的樂團嗎?
我好想好想飛,逃離這個瘋狂世界。

TOP

無論怎樣的安排也不會是十全十美的,但今年的安排另大家都比較容易買到票(如果不選位置或價錢的話),我六點下班去排隊還有很多980的票(四連位也有),不一定是理想位置或日期,但至少有票入場已經很滿足了。

怎樣安排都會有炒票的情況出現,黃牛,內部票,贈票等炒賣都不是我們能控制的,個人認為減少內部票而增加公售讓更多的人買到票。

TOP

香港歌手演唱全個座位表都2/3都黑色, 每人仲可以買10張8張,
黃牛插隊, 明明排第10,後來變了200, 排了一晚, 半張都買不了.
今次有一半公售安排很好, 讓很多沒有門路的人也可買票入場.
我有朋友不是五迷, 每年都聽說五月天很精采, 今年終於買到票,
看後, 都為他們而感動。讓更多人有機會喜歡五月天, 也不是壞事。
大會也是之前收到意見, 才會這樣安排. 五月天, 比更多香港歌手, 更關心香港樂迷!

日本有歌手辦演唱會, 除了 公關票和贊助票, 只限公式歌迷會買票, 沒有公售.
現場氣氛真的好好.  但都有黃牛和非歌迷為了搶票攢錢, 就付費入會.
五月天沒有官方歌迷會, 就算是mmd和hkmd會員人數買票
也未必能填滿這麼多場數.

如果可以的話, 明年有10場, 特設數場只是歌迷會限定, 其他公售, 可以係不錯的可案。haha!

TOP

其實說真的五月天演唱會今年的安排已經好好
起碼不會看到有2/3是黑色
加上多些放在公售上也可以令多些人可以喜歡他們
畢竟五迷不是小圈子啊
還有,每個五迷買票的方法是不同的
例如我是信用卡+公售
如果把大量的票都放在歌迷會賣,散不散得去是一個問題
另一個問題是這不會握殺了其他人看五月天的機會嗎?
大家都是平等的,要有票就要付出努力
這是我的看法

TOP

如果大家都夾D錢,讓MMD同五谷都成為贊助商(都係俾錢),分分鐘有著數(可能低過原價分到飛),唔知大家點睇呢?

TOP

我是深受黃牛之害的其中之一 T口T

一開始是有朋友幫我買第一場 (4/5/2013)
是信用卡優先訂購的 $580
位置沒有很好 可是有五月天已經心滿意足了
那邊接近公售的位置 歌迷們的氣氛超級的好
整場都是站著的!!!><

後來我忍不住買了13/5/2013的$980
(用了$1300買的 對不起五只T口T)
本來內場是很興奮的 
可是左邊兩位(應該是內部門票的)一直在講話
也沒有很HIGH(連螢光棒也沒有喔!)
整場幾乎都是坐著的
只有在「突然好想你」﹑「我不願讓你一個人」的時候有跟著一起唱
然後又在評論些有的沒有的 很煩

右邊兩位呢,兩位年輕的妹妹
她們整場一直在拍照,還是那種「單反」的喔!
一直在拍,手上的螢光棒幾乎都沒有動過

我是由心的覺得,票已經浪費掉了!!!
氣死我了

老實說,如果不是他們
我也不會那麼的認同演唱會上應該全部都是五迷!!
他們真的很過份吶 (哭)

所以呢,把票都留給歌迷會
再由歌迷會跟據某些標準(比如說是先問題一系列的問題/先成為註冊會員)去配票才是最好的 T口T

TOP

我是澳門的五迷。剛剛才加入MMD。所以從沒透過MMD購買任何門票。
但我支持一半票給歌迷會,一半票公開發售。
因為今年的確比往年易買票。
澳門的五迷不像香港的五迷那樣幸運可以去夜排(因大家都要上班上學,下班後趕到香港也關門了。)澳門的網絡又特別慢,往年我都整天上網跟打電話雙管齊下,但都徒勞無功。每次都是靠朋友原價轉讓門票給我才有幸入場(從沒有挑選位置,可以入場已感恩)。
連續看了香港場4年,今年由澳門去香港看的五迷比往年多了很多,衷心感到高興,多了五迷願意山長水遠地去看演唱會。證明大家都是真心喜歡五月天的。
樓上所說的所有問題其實大家都知道,靠歌迷會的當然想歌迷會的票多一點,不是歌迷會的,當然希望公開發售的多一點。
但其實買不到票都只是藉口而已,天下無難事,只怕有心人,想要做從來不會要不到,只看你願不願意努力而已。看我4年來都買到門票,雖然有時門票並非如我所願的好,但真心的感恩能進場。
另外,最主要是希望各歌迷自律,不要買黃牛票,寧願不看也不要買,我一直抱持這原則,每年都抱持著,買不到門票就寧願不去看的心態,所以才買到其他五迷原價轉讓的門票。
我妹也是五迷,她說很多五迷自己本身也在做黃牛,每次演唱會都會出讓很多門票,而價格又比原價高很多。這是因為有市便有價,大家還是努力按照正常程序買票吧﹗不要讓黃牛再猖狂下去﹗團結就是力量,如果大家都願意這樣做,黃牛終有一天會消失的。
最後,氣氛問題,的確今年較差,我看了頭尾兩場,旁邊都是內地的,一直尖叫跟一直拍照錄影,我非常不屑這樣的行為,五月天一直告誡我們不要拍照錄影,但很多人都做不到,其實一直拍照錄影真的是不能專心欣賞演唱會的,因為你的心力都在拍照上,一直用鏡頭"看"演唱會,倒不如大家都放下手中的攝影器材和手機,好好欣賞五月天想呈現出來的演唱會吧﹗真的想永遠留下回憶的,便購買他們出的DVD呀﹗我每一場都只會在開場時拍一張舞台照,然後便不再拍照,這是對五月天的尊重,也是我們身為五迷的自覺﹗

TOP

我想把票留給歌迷會,應該是可以讓真正五迷容易一點點得到票吧~
今年雖說公售令更多人買到票,可是我們也排了很長的時間吧~ (我就是排了16小時,睡了天橋底的那批)
如果歌迷會有多一點,真正的五迷也就可以舒服一點啦~ 不是說歌迷會可以讓我們買好多的票,但最起碼也有多一點~ 然後想看多一點的再去排......
最美的願望,一定最瘋狂.....

TOP

其實我覺得今年安排已經算好,起碼肯付出就買到飛,
身邊有人不斷話想睇,但無做任何嘢,
雖然有人會覺得為咗睇演唱會請假去排飛好白痴,
但無付出何來收穫,
我為咗睇頭場請咗假打東亞咭,雖然位置唔好,起碼入到場,
亦都試過為咗睇5/13去排傷殘位,只要肯行出去排點都買到飛,
但係歌迷會飛就真係唔應該cut, 但贊助商投放咗咁多資源,
要部份飛係合理。
其實相音已經好好,相對其他唱片公司邊會聽歌迷點講呀。

TOP

今年看到坐位表時50%的興奮和舊年的10% 真的是天堂與地獄差異,
舊年排隊跟本買不到飛, 今年只要努力就有飛, 所以今年話買唔到飛的一定沒有付出.
相音努力解決問題了..

TOP

我同意樓主所講,相音應該分多點票給歌迷會,不應剝削歌迷會的票。
冇錯,歌迷會係一個好好地途徑去阻止黃牛。

但係呢,我身邊大部分五迷(未加入MMD前)都唔係好知歌迷會可以買到飛。
而我自己未加入MMD前都係去排隊買~
講真,對於我呢個未入MMD既五迷黎講,
相音今年既做法(公售一半票+限買etc),真係有效咁幫到我買飛
我排隊果陣已經係第200幾名,我以為我實買唔到
但因為限買既措施,最終我都買到980既飛~

雖然呢D方法對於黃牛黎講,仍然好難杜絕到黃牛
但係真係幫到部分冇加入歌迷會既歌迷。

當我知道左今年相音留好少飛俾MMD時,..
我又覺得相音太刻薄
我覺得至少要留40%俾歌迷會,其他既可能分去公關票同公售~
而且~往後最好都有返限買既措施~公平D~

TOP

我非常認同同學提到的「香港歌迷會必定是能讓門票,最大機會,落入真正五迷的手裡!」
因為大家都是要通過 ...
票風 發表於 2013-5-16 14:52



佷認同同學所說的

我只是希望相信音樂明白香港的黃牛沒他們想的那麼簡單,香港的黃牛是黨、是團,非常有組織性的,公售門票(尤其是好位置)很多時候都會被他們賣走了... 然後真五迷在沒票的情況下只好買黃牛,真是一個惡性循環!!!

我的朋友在台灣看CONCERT是買黃牛的, 因為當地的黃牛不像香港這樣的有組織, 價錢也不是說很貴, 外地朋友無法在台灣排隊買票, 最方便的方法真的是經黃牛. 但香港的情況完全不同, 香港的黄牛簡直承繼了李家的傳統, 賺到盡!! 因此我們才是這樣討厭他們, 我和我的朋友這麼多年也採取寧願不看也不會令黃牛得益的方針.

TOP

返回列表